د زندانونو چارو د سمون ادارې یوه پلاوي د ننګرهار ولایت د حصارک ولسوالۍ له توقیفخونې ليدنه وکړه
د زندانونو چارو د سمون ادارې د نظامي چارو مرستیال محترم لوی پاسوال قاري حبیب الله "بدر" په سپارښتنه د ننګرهار ولایت د زندان رئیس محترم مولوي نېک محمد "مقتدا" او د کابل ولایت د توقیفخونو رئیس محترم قاري عبدالغني "عادل"، د یاد ولایت د حصارک ولسوالۍ له توقیفخونې څخه د لیدنې پرمهال د دې توقیفخونې له مسوولینو سره پر اړوندو مسایلو خبرې وکړې.
همدا راز، پلاوي د نوموړې ولسوالۍ د توقیفخونې له توقیفیانو سره ولیدل او هغوی هم له پلاوي څخه د دوی د وضعیت او حال د ارزونې له کبله د مننې تر څنګ، د خپلو جرمي دوسیو د ژر څېړلو غوښتنه وکړه، چې د پلاوي له لورې د هغوی دې غوښتنې ته د رسېدنې، د دوی د حقونو رعایتولو او ورته د لازمو اسانتیاوو د برابرولو ژمنه وشوه.
په ورته مهال، پلاوي د ننګرهار ولایت د حصارک ولسوالۍ د امنیې قوماندان او د محکمې له رئیس سره له نږدې وکتل او د دې ولسوالۍ توقیفیانو ته د خوندي امنیت او د جرمي دوسیو د ژر څېړلو په هکله یې سلا مشورې وکړې.
ذوالقعده ۲۸/ ۱۴۴۴
د مقام د دفتر ریاست
د اطلاعاتو او عامه اړیکو امریت
