د کابل ولایت د نشه يي توکو پروړاندې د مبارزې توقیفخونې نوي امنیتي مرستیال په کار پیل وکړ
د زندانونو چارو د سمون ادارې د نظامي چارو مرستیال محترم لوی پاسوال قاري حبیب الله "بدر" په داسې حال کې چې د بشري سرچینو رئیس محترم قاري محمد ګل، او یو شمېر نورو مسوولینو هم شتون درلود، د یو لړ مراسمو په ترڅ کې محترم مولوي موسی خان "مزمل" د کابل ولایت د نشه یي توکو پروړاندې د مبارزې توقیفخونې د نوي امنیتي مرسیتال د یادې توقیفخونې پرسونل ته معرفي او په چارو کې یې ورته د بریا او خیر دعا وکړه.
محترم بدر د دې مراسمو پرمهال خپلو خبرو کې وویل: « هیله مند یم چې محترم مولوي مزمل به ترخپل لاس لاندې پرسونل سره ښه چلند کوي او د توقیفیانو له حاله به تل ځان خبروي او ستونزو ته به یې پر وخت رسېدنه کوي.»
همدا شان، د زندانونو چارو د سمون ادارې د نظامي چارو مرستیال د نوموړې توقیفخوني امنیتي پرسونل ته سپارښتنه وکړه چې د خپلو مشرانو اطاعت او د خپلو دندو د ښه ترسره کولو په موخه له یو بل سره لازمه همکاري او همغږي ولري.
داراز، د کابل ولایت د نشه يي توکو پر وړاندې د مبارزې نوي امنیتي مرستیال محترم مولوي موسی خان "مزمل" هم یادو مراسمو کې خبرې وکړې او ویې ویل: « زه د زندانونو چارو د سمون ادارې له رهبرۍ څخه پرما د دې دندې د سپارلو او باور له امله مننه کوم او زه هم ژمنه کوم، چې راسپارل شوی مسئولیت به په پوره امانتوالۍ او اخلاص ترسره کوم».
تر یادو مراسمو وروسته، د ادارې د نظامي چاور مرستیال محترم لوی پاسوال قاري حبیب الله "بدر" د نوموړې توقیفخونې له امنیتي ټاورونو، پوستو او قرارولونو څخه لیدنه وکړه او مربوطه مسوولینو ته یې د دې توقیفخونې د امنیت لا ښه ټینګښت لپاره ګټورې لارښوونې وکړې.
ذوالقعده ۲۴/ ۱۴۴۴
د مقام د دفتر ریاست
د اطلاعاتو او عامه اړیکو امریت
