د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون ۲۳مه ناسته کې د ۱۴۰۲ کال پر تشکيلاتو خبرې وشوې
ياده ناسته، چې نن(دوشنبې) د زندانونو چارو د سمون ادارې د سرپرست او د پالېسۍ او مسلکي مرستيال محترم قاري عبدالله "همدرد" په مشرۍ او د نظامي مرستیال محترم لوی پاسوال قاري حبیب الله "بدر"، د مقام سلاکار محترم مولوي اسدالله "مولانا"، د مالي او اداري عمومي رئیس محترم مولوي عبدالهادي مالي اخندزاده او يو شمېر نورو ملکي او نظامي مسوولينو په ګډون جوړه شوې وه، په کې د مرکز او ولايتونو د زندانونو اداري او تخنیکي چارو د څرنګوالي په اړه بحث وشو.
داراز، په دې ناسته کې د ۱۴۰۲ لمريز کال پر تشکیل هراړخیزې خبرې وشوې او مسوولينو ته لارښوونه وشوه، څو د بشري سرچینو د پلانگدارۍ پر بنسټ خپل پلانونه جوړ او د اصولو سره سم دې د خپلو رياستونو، امريتونو او مديريتونو د اړتيا وړ بشري سرچينې وارزوي.
همداشان په یاده ناسته کې د ځینو نورو مهمو موضوعګانو په هکله هم خبرې اترې او په اړوند يې اصولي او قانوني پرېکړې وشوې.
د یادونې وړ بولو، چې د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او مربوطه مسایلو څېړل، بحث او د اصولو او تقنيني اسنادو په رڼا کې پرېکړې کول دي.
شعبان المعظم ۱۴/ ۱۴۴۴
د اطلاعاتو او عامه اړيکو امريت
