ولایتي خبرونه: (لوګر، کونړ ) د لوګر ولایت په زندان کې زندانیانو ترمنځ د (اهل سنت والجماعت) کتاب تر نامه لاندې د سیالۍ ګډونوالو څخه ازموینه واخېستل شوه
دغه سیالۍ، چې د دې ولایت د اطلاعاتو او کتلور ریاست او د زندان مسوولینو په همکارۍ جوړه شوې وه، د یاد ولایت د زندان امر محترم مولوي حمید الله "حیدري" او د دغه ولایت د اطلاعاتو او کتلور ریاست رئیس هم حضور دلود، نوموړي د خبرو پرمهال د مطالعې په ارزښت خبرې وکړې او وې ویل، چې د دا ډول سیالیو موخه د زندانیانو د دیني پوهې لوړول او مطالعې ته د هغوی هڅول دي.
کونړ:
د کونړ ولایت د زندان سره د حفظ الصحې او اړتیا وړ توکو مرسته وشوه
یاده مرسته، د زندانونو چارو د تنظیم ادارې د اقتصادي برنامو او ستراتېژیکو اړیکو ریاست په هڅو او د یاد زندان په همغږۍ ترسره شوه، چې موخه یې د ښځینه بلاک د اړتیاوو پوره کول او د اړوندو اسانتیاوو برابرول دي.
د نوموړي ولایت د زندان د امر محترم ملا محمد نور"بلال شاهین" د کلیو د بیارغونې ریاست له مسؤلینو څخه د دې مرستې له امله مننه کوي او د بندیانو د اړتیاوو د پوره کولو په برخه کې د ورته همکاریو دوام مهم بولي.
جمادي الاول ۲/ ۱۴۴۸
د مقام د دفتر ریاست
د اطلاعاتو او عامه اړیکو امریت
