د غزني ولایت د ماشومانو د اصلاح او روزنې له مرکز سره د درسي توکو مرسته وشوه
د دغه زندان د رهبرۍ په هڅو او د غزني ولایت د معارف ریاست له لوري د یاد ولایت د ماشومانو د اصلاح او روزنې مرکز سره د ښوونځي د بکسونو، کتابچو او قلمونو په ګډون یو اندازه درسي توکو مرسته وشوه، چې د یاد زندان د مسوولینو له لورې په پوره شفافیت د نوموړي مرکز پر محجوزینو وويشل شول.
د غزني ولایت د زندان رئیس محترم مولوي خالقداد "رحمت" د یادې مرستې په پار د مننې ترڅنګ دغه توکي اړین بللي او د ورته نورو مرستو او همکاریو پر دوام ټینګار کړی.
ربیع الاول ۳/ ۱۴۴۸
د مقام د دفتر ریاست
د اطلاعاتو او عامه اړیکو امریت
