د زندانونو چارو د تنظیم ادارې د څرخي پله مرکزي زندان د امنیتي قطعې قوماندانۍ قرارګاه د ارکان نوي رئیس په دنده پیل وکړ
د زندانونو چارو د تنظیم ادارې د رهبرۍ په سپارښتنه او اړتیا ته په کتو د یو لړ مراسمو په ترڅ کې محترم سمنوال ملا شریف الله "طالب" اړوند پرسونل ته معرفي او نوموړي هم رسماً خپله دنده پیل کړله
په دې اړه په جوړو شويو مراسمو کې، چې د زندانونو چارو د تنظیم ادارې د نظامي چارو معاونیت د ارکان رئیس محترم پاسوال الحاج اسدالله "مولانا" او یوشمېر نورو مسوولینو هم ګډون کړی وو، محترم سمنوال ملا شریف الله "طالب" د څرخي پله مرکزي زندان د امنیتي قطعې قوماندانۍ قرارګاه د ارکان نوي رئیس په توګه اړوند پرسونل ته وپېژندل شو.
دا راز، د نظامي چارو معاونیت د ارکان رئیس د یادو مراسمو پرمهال، خپلو خبرو کې وویل، هیله لرو چې دغه تغییر او تبدیل د چارو د ښوالي او پرمختګ سبب وګرځي او په دې برخه کې ښې لاسته راوړنې ولرو.
همداشان، محترم پاسوال الحاج اسدالله "مولانا" مخکیني د امنیتي قطعې قوماندانۍ قرارګاه د ارکان رئیس کړنې وستایلې او د یادې قطعې له پرسونل څخه یې له اوسني مسوول سره د همکارۍ او په ګډه د چارو ښه پرمخ وړلو غوښتنه وکړله.
په پای کې، محترم سمنوال ملا شریف الله "طالب" په خپلو خبرو کې وویل: « تل به خپل هېواد او هېوادوالو ته خدمت کوو او راسپارل شوي مسوولیتونه به په پوره رېښتینولۍ او امانتدارۍ سرته رسوو».
صفر المظفر ۵/ ۱۴۴۸
د مقام د دفتر ریاست
د اطلاعاتو او عامه اړیکو امریت
