د کندز ولایت د زندان رئیس او مل پلاوي د دې ولایت د امام صاحب ولسوالۍ له توقیفخونې څخه ليدنه وکړله
د کندز ولایت د زندان رئیس محترم ملا نعمت الله "سراجي" او مل پلاوي تېره ورځ د نوموړي ولایت د امام صاحب ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو خبرې وکړې.
داراز، پلاوي د یادې توقیفخونې له توقیفیانو سره هم ولیدل او هغوی له نوموړي پلاوي څخه د دوی د وضعیت او حال ارزونې له کبله د مننې تر څنګ، د خپلو جرمي دوسیو د ژر څېړلو غوښتنه وکړله، چې د پلاوي له لورې د هغوی دې غوښتنې ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.
په ورته وخت کې، محترم ملا سراجي د یادې توقیفخونې مسوولینو سره په خبرو کې نوموړو ته زیاته کړله، چې دا زموږ او ستاسو ګډ مسوولیت دی څو د زندانیانو په ساتنه او پالنه کې ځانګړې پاملرنه وکړو.
ذوالقعده ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
