د زندانونو چارو د سمون ادارې عمومي رئیس د مالیې وزارت د عوایدو لوی رئیس مشرۍ پلاوي سره په ګډه ناسته کې د دې ادارې د عوایدو د زیاتوالي، شته فرصتونو د اغېزمنې استفادې او د معیاري خدمتونو د وړاندې کولو په اړه هر اړخیز بحث وکړ
د زندانونو چارو د سمون ادارې عمومي رئیس محترم الحاج مولوي محمد یوسف "مستري"، د پالېسۍ او مسلکي چارو مرستیال محترم قاري محمد بلال "فاتح"، د مالي او اداري عمومي رئیس محترم مولوي عبدالهادي "مالي اخندزاده"، د مقام د دفتر رئیس محترم قاري رحمت الله "ګلزاد"، د کابل ولایت د توقیفخونو رئیس محترم قاري محمد ګل "جګرخون"، د اقتصادي برنامو او ستراتېژیکو اړیکو رئیس محترم عبید الله "اخلاص"، د مالیې وزارت د عوایدو لوی رئیس محترم امان الله "حمید" په مشرۍ پلاوي سره په ګډه ناسته کې، د ادارې د عوایدو د سرچینو پر پراختیا، د عوایدو د راټولولو د بهیر پر شفافیت او د خدمتونو د کیفیت پر لوړولو ټینګار وکړ.
محترم مولوي محمد یوسف مستري زیاته کړله، چې د عوایدو د فرصتونو سم مدیریت نه یوازې د ادارې مالي پیاوړتیا تضمینوي، بلکي د اصلاحاتو د پروګرامونو په ښه تطبیق او د خدمتونو په معیاري کولو کې هم مهم رول لري.
همدارنګه، د مالیې وزارت د عوایدو لوئ ریاست مسوولینو د عوایدو د تنظیم، حساب ورکوني او د قانوني میکانیزمونو د پلي کېدو په برخه کې خپل نظریات او وړاندیزونه شریک کړل او د زندانونو چارو د سمون ادارې له هڅو ملاتړ څرګند او د عوایدو د لا ښه مدیریت او پراختیا لپاره یې د هر اړخیزي همکارۍ ډاډ ورکړ.
د ناستې په پای کې، دواړو لوریو د عوایدو د فرصتونو د لا ښه استفادې، د عوایدو د راټولولو د بهیر د معیاري کولو او د خدماتو د کیفیت د لوړولو لپاره پر دوامداره همغږۍ او ګډ کار ټینګار وکړ.
ذوالقعده ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
