د کابل ولایت د څرخي پله مرکزي زندان سره د سره صلیب نړۍوالې کمېټې له لورې یو اندازه خرما مرسته وشوه
محترم الحاج مولوي عبدالمالک "خاکسار" په داسې حال کې، چې د نوموړي زندان یو شمېر مسوولینو هم شتون درلود، د سره صلیب نړۍوالې کمېټې له پلاوي سره ولیدل او د زندانیانو د ژوندانه د وضعیت، د هغوی د انساني حقونو د خوندیتوب او نورو اړوندو موضوعاتو په هکله یې ورسره خبرې اترې وکړې.
همداراز، د سره صلیب نړیوالې کمېټې له لورې د روژې مبارکې مياشتې په مناسبت د یاد زندان زندانيانو سره یوه اندازه خرما مرسته وشوه، چې د مسوولینو له لورې په شفافه توګه پر زندانیانو وویشل شوه.
محترم الحاج مولوي عبدالمالک "خاکسار"د سره صلیب نړیوالۍ کمېټې له همېشنیو او ارزښتمنو همکاریو څخه په مننې زیاته یې کړله، د زندانونو چارو د سمون اداره تل هڅه کوي د خپلو مالي امکاناتو او ملي او نړیوالۍ بنسټونو د مرستو په ملتیا زندانیانو ته لا ښه خدمتونه وړاندې او لازمې اسانتیاوې ورته برابرې کړي.
رمضان المبارک ۰۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
