ولایتي خبرونه: (جوزجان، غزني) د جوزجان ولایت د زندان له ښځینه محبوسینو او محجوزینو سره د اکتید موسسۍ له لورې د ژمنیو او حفظ الصحه توکو مرسته وشوه.
یاده مرسته، د زندانونو چارو د سمون ادارې د اقتصادي برنامو او ستراتېژیکو اړیکو ریاست په هڅو، د دې ولایت د زندان د مسوولینو په همغږۍ او د اکتید موسسې له خوا وشوه، چې جمپر، صابون، شامپو، دغاښونو کریم او د اړتیا وړ نور توکي په کې شامل و، د دغه ولایت د زندان د مسوولینو له لورې پر ښځینه محبوسینو او محجوزینو په شفافه توګه وویشل شوه.
د جوزجان ولایت د زندان مسوولینو د اکتید موسسۍ له دغې انسان دوستانه مرستې څخه په دې ساړه موسم کې مننه وکړله او په راتلونکې کې یې د ورته مرستو د دوام هیله څرګنده کړله.
غزني:
د غزني ولایت د زندان یو تن پایواز، زندان ته د چرس د لېږد په تور ونیول شو
یو تن پایواز چې غوښتل یې یواندازه چرس د یاد ولایت زندان ته ولېږدوي، د دغه زندان د بیدارو امنیتي او کشفي ارګانونو له خوا د کره تلاشۍ پرمهال ترې کشف، ضبط او له لېږدوونکي سره یوځای د یوې دوسیې په ترڅ کې رسماً اړوندې برخې ته د لا نورو څېړنو لپاره وسپارل شو.
شعبان المعظم ۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
