د کندهار ولایت د زندان له (مصباح العلوم منصوریه) مدرسې څخه( ۱۸۷) تنه محبوسین د قران کریم حفظ او ناظرۍ زده کړو له دورو څخه فارغ شول
په دې اړه جوړو شویو مراسمو کې چې د یاد ولایت د زندان رئیس محترم مولوي محب الله "ګرمسېري" او یو شمېر نورو علماوو او سیمه ییزو مسوولینو هم ګډون کړی و، د خبرو پرمهال وویل چې زندانونه اوس د تعذیب او شکنجې ځایونه نه، بلکې د اصلاح پر مرکزونو بدل شوي او د همدې درسونو نتیجه ده چې ځینې زندانیان له بند څخه ازاد او ځینو نورو ته د بند په موده کې تخفیف ورکړ شو.
نوموړي له زندانیانو څخه وغوښتل چې د دغه طلایي فرصت څخه ګټه پورته او خپلو زده کړو ته دوام ورکړي.
همداراز، ویناوالو له زندانیانو څخه وغوښتل چې د دیني، عصري او حرفوي زده کړو سره د ټولنې د پرمختګ لاره غوره کړي څو د جرمونو او غیر عادلانه کړنو څخه مخنوی وشي.
په همدې حال کې، یو شمېر فارغ شویو زندانیانو په بندخونه کې د زده کړو زمینې برابرولو څخه خوښي څرګنده کړله او له نور زندانیان څخه یې هم وغوښتل چې د زده کړو لاسته راوړلو په برخه کې هر اړخیزې هڅې وکړي.
د یاد مراسم په پای کې، فارغ شویو بندیانو ته د فضلیت دستار ور وتړل شو چې ۳۷ تنه ازاد او پاتې زندانیانو ته د بند په موده کې تخفیف ورکړل شو.
رجب المرجب ۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
