د زندانونو چارو د سمون ادارې د ښوونې او بیا روزنې ریاست او تنویر فکري او فرهنګي ټولنې په همکارۍ د کابل ولایت د څرخي پله مرکزي زندان د پنځم بلاک زندانیانو لپاره عقیدوي، فکري او اصلاحي درې ورځینی سمینار پای ته ورسېده
په دې اړه جوړو شویو مراسمو کې د زندانونو چارو د سمون ادارې د پالېسۍ او مسلکي چارو مرستیال محترم قاري محمد بلال "فاتح" په داسې حال کې چې د دې ادارې ښوونې او بیا روزنې رئیس محترم مولوي نظر محمد "ناصري"، د ارشاد او دعوت رئیس محترم مولوي صدیق الله "صدیقي" او یو شمېر مسوولینو ګډون درلود، وویل چې په زندان کې له ښوونیزو او رزونیزو برنامو څخه د ګټې اخیستنې سره د ځان اصلاح په فکر کې شئ او د تیرو ناوړو کړنو څخه پېښمانه او د بند مودې پوره کېدو سره سم خپلې کورنۍ او ټولنې ته د خدمت جوګه شئ.
داراز، محترم مولوي صدیق الله صدیقي او محترم مولوي نظر محمد ناصري د علم په ارزښت خبرې وکړې او زندانیانو ته یې په خپلو خبرو کې وویل؛ دلته چې درته د دیني، عصري او حرفوي زده کړو زمینه برابره شوې، ترې ګټه پورته کړئ څو په مټ یې وکولی شئ د سالمو وګړو په څیر ټولنې سره یو ځای شئ.
د یادونې وړ ده چې دغه سمینار به د څرخي پله مرکزي زندان نورو بلاکونو کې هم ترسره او یوه نېمه میاشت به دوام وکړي.
رجب المرجب ۳/ ۱۴۴۷
د مقام د دفتر ریاست
د اطلاعاتو او عامه اړیکو امریت
