د زندانونو چارو د سمون ادارې رئیسانو او امرینو ترمنځ د همغږۍ، اداري ستونزو او حللارو لټولو په اړه غونډه ترسره شوه
دغه غونډه، چې نن(دوشنبې) د نوموړې ادارې د مالي او اداري عمومي رئیس محترم الحاج مولوي عبدالهادي "مالي اخندزاده"په مشرۍ او د ادارې د مرکزي برخو رئیسانو او امرینو په ګډون جوړه شوې وه، په کې د اداري پروسو اصلاح کولو، اسانتیا راوستلو او ساده کولو پر ارزښت بحث او سلا مشورې وشوې.
په ورته وخت کې، د یادې غونډې ګډونوالو وویل، کوښښ به وکړي چې د خپلو او یا د یو بل په چارو کې د خنډونو، ځنډونو او خلاوو د شتون په صورت کې هغه په نښه او له یو بل سره یې حللارې شریکې کړي.
درازا، د زندانونو چارو د سمون ادراې د مقام د دفتر رئیس محترم قاري رحمت الله ګلزاد له لورې دې ادارې ته د مراجعینو د راتګ او مراجعه کولو په برخه کې د اسانتیا او نظم راوستلو اړوند یو (۲۳) ماده ییز لارښود چې د ادارې د تخنیکي کمېټې له خوا جوړ شوی و، د غونډې ګډونوالو ته قراات کړ، چې هغوی هم تایید او د هغه په ځینو برخو کې د لاښه والي لپاره خپل نظرونه شریک کړل.
په ورته مهال، یادو رئیسانو او امرینو دا غونډه ډېره ګټوره وبلله او زیاته یې کړله، دلته په سلا مشورو به د ادارې د فعالیتونو ترسره کولو په بهیر کې لا ښه والی راشي، مثبت بدلونونه به رامنځته شي او زندانیانو ته د خدمتونو وړاندې کولو په چارو کې به د ستونزو حل اسانه او منظم او رغنده ګامونه پورته شي.
په پای کې پرېکړه وشوه، چې دا ډول غونډې به په راتلونکې کې هم دوام ومومي.
جمادي الثاني ۱۰/ ۱۴۴۷
د مقام د دفتر ریاست
د اطلاعاتو او عامه اړیکو امریت
