د زندانونو چارو د سمون ادارې نظامي مرستیال د دې ادارې د نظامي ښوونې او روزنې واحد قوماندانۍ د روزنیز او مسلکي کورس او سیمینار له روان بهیر څخه ارزونه وکړله
محترم لوی پاسوال قاري حبیب الله" بدر" نن(چهارشنبې) په داسې حال کې چې د د دې ادارې د کابل ولایت د ښوونیز مرکز قومندان محترم سمونوال محترم ملا محمدعالم "معتصم" او د نظامي برخې یوشمېر نورو مسوولینو يې هم ملتیا کوله، د نوموړي سیمینار له د زده کړو له بهیره د لیدنې پرمهال ګډونوالو ته په خپلو خبرو کې وویل، له دې فرصت او د ښوونکو له تجربو څخه په استفادې هم خپل مسوولیتونه په سمه توګه ترسره او هم دې ترلاس لاندې پرسونل خپلو مسوولیتونو ته متوجه کړئ.
داراز، د نظامي چارو مرستیال زیاته کړله، نوموړې اداره تل کوښښ کوي څو د ادارې نظامي پرسونل ته داسې ښوونیزې او روزنیزې برنامې جوړ کړي چې کاري وړتیا یې لوړه او ورسپارل شوي مسوولیتونه په پوره رېښتینولۍ او زړورتیا سره ترسره کړي.
محترم لوی پاسوال قاري حبیب الله بدر زیاتوي: « د زندانیانو ساتنه او پالنه زموږ مسوولیت دی، زندانیان باید دې ته اړه کړو څو دلته په زندان کې دیني، عصري، حرفوي او سواد زده کړې وکړي او د عاليقدر امیرالمؤمنین (حفظه الله) له لوري د زندانیانو لپاره جوړ شوی (۳۹) ماده ییز طرزالعمل باید په خپلو ذهنونو کې ثبت او د هغوی انساني او شرعي حقونو ته لازیاته پاملرنه وکړو ».
همداراز، د نظامي چارو مرستیال د یاد ښوونیز مرکز د ټولګیو څخه د لیدنې ترڅنګ د کورس ګډونوالو ته سپارښتنه وکړه چې له ترلاسه کړو زده کړو او تجربو څخه په ګټې اخيستنې زندانیانو سره ښه چلند، نیک اخلاق، صبر او استقامت څخه کار واخلي څو دا د دې سبب شي چې زندانیان د خپلو له تیرو کړنو پېښمانه او په راتلونکې کې د یو عالم، حافظ، ښوونکي او ګټور وګړي په توګه کورنۍ او ټولنې د خدمت وړ وګړځي.
د یادونې وړ بولو، یاد کورس د زندانونو چارو د سمون ادارې د مرکز او ولایتونو اړوندو نظامي مسوولینو لپاره د زندانیانو د ساتنې، پالنې او د هغوی ستونزو ته د رسېدنې او بنسټیزو انساني او شرعي حقونو د لاښه رعایتولو په اړه د پوهاوي او وړتیا لوړونې په موخه جوړ شوی.
محرم الحرام ۲۰/ ۱۴۴۷
د مقام د دفتر ریاست
د اطلاعاتو او عامه اړیکو امریت
