د اسنادو او اړېکو امریت لپاره نوی امر معرفي شو
د زندانونو چارو د سمون ادارې د مقام د دفتر رئیس محترم قاري رحمت الله"ګلزاد"، په داسې حال کې چې د دې ادارې د کارکوونکو رئیس محترم مولوي ضیاء الرحمن "سعید"، د تدارکاتو رئیس محترم میر محمد "مجدود"، د کشف او اوپراتېفي رئیس محترم مولوي عبدالشکور"طیب" او یو شمېر نورو مسوولینو یې ملتیا کوله، محترم عبد القیوم "الکوزی" د مقام د دفتر ریاست د اسنادو او اړېکو امر په توګه پرسونل ته معرفي کړ.
داراز، محترم قاري رحمت الله"ګلزاد" په دې اړه جوړو شویو مراسمو کې، د پخواني امر څخه مننه وکړه او د هغه تېر خدمتونه او لاسته راوړنې یې وستایلې او له نوي امر څخه یې وغوښتل چې له اړوندو چارو څخه د ښه پرمخ وړلو لپاره نه ستړې کېدونکو هلوځلو ته دوام ورکړي.
په ورته وخت کې، محترم عبد القیوم "الکوزی" د یادې ادارې له رهبرۍ څخه پر هغه د باور کولو څخه د مننې ترڅنګ ژمنه وکړه، چې د ادارې له لوري ورسپارل شوي مسولیتونه به خورا صداقت او رېښتینولۍ سره پر مخ وړي.
محرم الحرام ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
