ولایتي خبرونه (غزني، بغلان) د غزني ولایت په زندان کې د زندانیانو او پرسونل ترمنځ (د شرعي نظام په استحکام کې د اطاعت اغېزې) رسالې سیالۍ پیل شوه
په دغه سیالۍ کې چې د الکوثر فکري او فرهنګي بنسټ او د نوموړي زندان د ښوونې او بیا روزنې امریت لخوا هغه مینه والو ته چې د سیالۍ لپاره تېره هفته کې نوم لېکنه کړې وه، پرې رسالې وویشل شوې چې د مطالعې بشپړولو وروسته به ترې ازموینه واخیستل شي.
په دې اړه جوړو شویو مراسمو کې چې د غزني ولایت د زندان رئیس محترم ملا محمد نور "بلال شاهین" او یوشمېر نورو سیمه ییزو مسوولینوشتون درلود، په خپلو خبرو کې زندانیانو ته د دیني زده کړو او مطالعې په ارزښت او ګټو خبرې وکړې او له محبوسینو څخه یې وغوښتل چې مطالعه خپل عادت وګرځوي او دیني زده کړو په ترلاسه کولو کې هڅې لا زیاتې کړي.
د یو بل خبر له مخې، د بغلان ولایت د زندان یوه پلاوي د دې ولایت د مرکزي بغلان ولسوالۍ له توقیفخونې څخه ليدنه وکړه
د دغه ولایت د زندان امر محترم الحاج ملا نعمت الله "سراجي" او مل پلاوي تېره ورځ د نوموړي ولایت د مرکزی بغلان ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو وغږیدل.
دا راز، نوموړي د یادې ولسوالۍ د توقیفخونې د توقیفیانو لپاره له خوړو، اباتې، اداري او تعمیراتي چارو د ارزونې ترڅنګ له توقیفیانو سره هم ولیدل او هغوی له نوموړي پلاوي څخه د دوی د وضعیت او حال د ارزونې له کبله د خوښۍ او مننې ترڅنګ، د خپلو دوسیو د ژر څېړلو غوښتنه وکړه، چې د پلاوي له لورې د هغوی دې غوښتنې ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.
په ورته وخت کې، پلاوي د دې توقیفخونې مسوولینو ته لارښوونه وکړه چې توقیفیانو په ساتنه، پالنه او هغوی ته د اسانتیاوو په برابرولو کې لا زیاتې هڅې وکړي.
ذوالحجة الحرام ۲۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
