په هلمند ولایت کې لسګونو تنو زندانیانو ته د حرفوي زده کړو زمینه برابره شوې
د هلمند ولایت د زندان د صنعتي امریت له لوري د دې ولایت د زندان لسګونو تنو زندانیانو ته د حرفوي زده کړو زمینه مساعده شوې ده.
د نوموړي ولایت د زندان صنعتي امر محترم ملا سیف الله "انوري" وايي، په یاد زندان کې د حرفوي زده کړود ( ۸) شاپونو په فعالولو سره یې (۱۰۰) تنه زندانیانو ته د حرفوي زده کړو په بېلابیلو برخو کې زمینه مساعده کړې ده.
محترم ملا انوري زیاتوي، د یادو زده کړو موخه نوموړو زندانیانو ته د بند مودې په پوره کېدو سره د حلال کسب په مټ د نفقې پیدا کول او ټولنې سره د یو سالم وګړي په توګه یو ځای کېدل دي.
داراز، یاد محبوسین د محبس د رهبرۍ څخه په مننې سره زیاته کړله چې یادې زده کړې د دوی په اصلاح کې مهم رول لري او نوموړي به په پوره ژمنتیا سره خپلو زده کړو ته دوام ورکړي.
باید یادونه وکړو چې په یاد زندان کې زندانیانو ته د حرفوي زده کړو ترڅنګ دیني او عصري زده کړې هم ورکول کیږي.
شوال المکرم ۲۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
