د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون په ناسته کې د ۱۴۰۴ لمریز کال د تشکیلاتو پر څرنګوالي بحث اوخبرې اترې وشوې
ياده ناسته چې نن(دوشنبې) د زندانونو چارو د سمون ادارې د سرپرست او د پالېسۍ او مسلکي مرستيال محترم الحاج محمد کاظم "طارق" په مشرۍ او د نظامي مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي "مالي اخندزاده"، د ادارې د مقام سلاکار محترم قاري عبدالله "همدرد"، د مقام د دفتر رئیس محترم قاري رحمت الله "ګلزاد"، د بشري سرچینو رئیس محترم مولوي ضیاالرحمن "سعید"، د څارنې او ارزونې رئیس محترم مولوي عطا محمد "محمد"، له عدلي او قضایي اورګانونو سره د اړیکو رئیس محترم مولوي عبدالله "حقیق" او د کورني تفتیش رئیس محترم مولوي فضل احمد "احمدي" په ګډون جوړه شوې وه، په کې د یادې ادارې د ۱۴۰۴ لمریز کال د تشکیلاتو پر څرنګوالي او د اړتیا وړ نورو مهمو تخنیکي موضوعګانو په هکله خبرې اترې او د نظرونو تبادله وشوه.
د یادونې وړ بولو، چې د نوموړي کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او مربوطه مهمو مسایلو څېړل، بحث او د شرعي اصولو او تقنيني اسنادو په رڼا کې پرېکړې کول دي.
شوال المکرم ۹/ ۱۴۴۶
د مقام د دفتر ریاست
د اطلاعاتو او عامه اړیکو امریت
