ولایتي خبر (ننګرهار) ننګرهار ولایت له زندانه لسګونه تنه محبوسین د عفوې څخه برخمن شول
د ننګرهار ولایت د استیناف محکمې د ټاکل شوي پلاوي له خوا د زندانیانو د نسبتي دوسیو د کره ارزونې او د افغانستان د سترې محکمې د عالي مقام د حکم پربنسټ (۷۰) تنه محبوسین چې د زندانونو چارو د سمون ادارې په هڅو یاد زندان کې چې په دیني، عصري او حرفوي زده کړو کې یې پوره ونډه اخیستې او بریالي شوي و، خوشې شول.
د دې ولایت د زندان رئیس محترم مولوي سعیل "سعید" خوشې شویو کسانو ته په خپلو خبرو کې وویل چې دې فرصت څخه سمه ګټه پورته کړئ او په زندان کې مو چې کومې دیني، عصري او حرفوي زده کړي ترلاسه کړي په ورځني ژوند کې ترې ګټه پورته او د سالمو وګړو په څېر خپل هېواد ته د خدمت جوګه شئ.
د یادونې وړ بولو، چې دا لړۍ د زندانونو چارو د سمون ادارې تر چتر لاندې په ټولو زندانونو کې روانه ده.
شعبان المعظم ۲۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
