د کابل ولایت د څرخي پله د ګارنیزون په انګړ کې یو جومات ګټې اخیستنې ته وسپارل شو
دغه جومات چې د زندانونو چارو د سمون ادارې په مالي لګښت جوړ شوی د ادارې د تعمیراتو رئیس په حضور کې ګټې اخیستنې ته وسپارل شو.
د تعمیراتو رئیس محترم حاجي عبدالرحمن "عابد" د دغه جومات د جوړېدو چارې یوه عاجله اړتیا وبلله او زیاته یې کړه چې په نړۍ کې د تر ټولو غوره ځایونه جوماتونه دي.
داراز، محترم حاجي عابد په وینا، یاد جومات په پاخه او اساسي ډول جوړ شوی چې په یو وخت کې د ۶۰ تنو لمونځ کوونکو ظرفیت لري.
په ورته وخت کې د نظامي پرسونل لپاره د لا اسانتیاوو په موخه یاد ګارنیزون په ټولو قراولونو کې سیار جوماتونه هم ګتې اخیستنې ته وسپارل.
همداراز، تعمیراتو ریاست له لورې د یادې ادارې لپاره څلور عصري تشنابونه او د زندانونو چارو د سمون ادارې د بشري چېنو د کارکوونکو لپاره د اودسه ځای په پاخه او عصري ډول جوړ او ګټې اخیستنې ته وسپارل شول.
صفر المظفر ۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
