د زندانونو چارو د سمون ادارې د رهبرۍ په ناسته کې پر یوشمېر مهمو حقوقي او تخنیکي مسایلو بحث وشو
دغه ناسته، چې نن( دوشنبې) د نوموړې ادارې د عمومي رئیس محترم مولوي محمدیوسف "مستري" په مشرۍ او د پالېسۍ او مسلکي چارو مرستیال محترم قاري عبدالله "همدرد"، د نظامي چارو مرستیال محترم لوی پاسوال قاري حبیب الله "بدر" او د مرکزي ادارو د رئیسانو، امرینو او ملکي او نظامي برخو یو شمېر مسوولینو په ګډون جوړه شوې وه، په کې د زندانونو چارو د سمون ادارې د نظامي پرسونل لپاره د کرایې د اجراء کولو او یو شمېر نورو مهمو حقوقي او تخنیکي مسایلو په تړاو خبرې اترې او اړوندو مسوولینو ته د چارو لا ښهوالي لپاره لازمې سپارښتنې وشوې.
همداراز، د نوموړې غونډې پرمهال، یو شمېر مسوولینو هم په اجنډا کې د شاملو یوشمېر نورو مسایلو په هکله خپل نظرونه تبادله کړل، چې د زندانونو چارو د سمون ادارې د عمومي رئیس له خوا یې تر اورېدو وروسته، د شرعي اصولو او تقنيني اسنادو په رڼا کې سمې او لازمې پرېکړې وشوې.
ذوالقعدة الحرام ۲۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
