د بغلان ولایت د عدلي او قضايي اورګانونو پلاوي د یاد ولایت د زندان له مسوولینو سره ولیدل
تیر ورځ د دې ولایت د عدلي او قضايي اورګانونو پلاوي د یاد زندان مسوولینو سره ولیدل او د ا.ا.ا عالیقدر مشرتابه (حفظه الله) له خوا د زندانیانو د سزا د عفوې او تخفیف اړوند د کوچني اختر په مناسبت د فرمان پلي کولو په هکله یې ورسره خبرې وکړې.
داراز، نوموړي پلاوي د یاد ولایت د زندانیانو د جرمي دوسیو او د بند مودې د ارزونې وروسته هغوی ته ډاډ ورکړ چې د کوچني اختر د رارسېدو په پار د ا.ا.ا عالیقدر مشرتابه (حفظه الله) د فرمان صادریدو سره به سم په شرایطو وړ زندانیانو له ډلې به ځینو ته د قید په موده کې تخفیف او ځېني نور به خوشي شي.
همداراز، د دې ولایت مسوولینو او پرسونل له لورې د یو حشر په ترڅ کې د یاد زندان په انګړ کې زینتي نیالګي کېنول شول.
د یو بل خبر له مخې، د هرات د زندان د مسوولینو په وینا د اداري چارو د لاښه پرمخ وړلو په موخه یې د یاد زندان په اداري شعبو یو شمېر کمپیوټرونه او پرینټرونه ووېشل.
نوموړي مسوولین زیاتوي یاد کمپیوټرونه او پرينټرونه د زندانونو چارو د سمون ادارې په مالي لګښت اخیستل شوي څو چارو پروخت او منظمه توګه مخ ته لاړې شي.
رمضان المبارک ۲۱/ ۱۴۴۵
د مقام د دفتر ریاست
د اطلاعاتو او عامه اړیکو امریت
