د ننګرهار ولایت د زندان پر زندانیانو د یو شمېر ناروغیو د مخنیوي او معالجې په موخه معاینات ترسره شول
د دغه ولایت د زندان د مسوولینو په هڅو او د یاد ولایت د عامې روغتیا ریاست په همکارۍ دې زندان ته یو شمېر ډاکټران د داخله، يوستکي، غوږ او نسایي ناروغیو کنټرول او مخنیوي په موخه استول شوي ول چې نوموړو هم په یادو برخو کې روغتیایي معاینات ترسره کړل.
داراز، د نوموړي زندان مسوولینو دغه معاینات د زندانیانو د ناروغیو معالجې او مخنوي لپاره اړین وبلل او پر دغو ناروغیو له مبتلا زندانیانو څخه یې وغوښتل چې خپلې روغتیا ساتنې ته خاصه پاملرنه وکړي او د ناروغیو د مخنیوي په هدف ځانونه معاینه کړي.
همداشان، د دې زندان د مسوولینو په وینا: یاده برنامه چې د دغه ولایت د روغتيا ریاست سره په ګډه همغږۍ په لاره اچول شوې وه، موخه ترې د زندانیانو روغتیا ته پاملرنه وه.
د یو بل خبر له مخې، د ننګرهار ولایت د زندان د مسوولینو په هڅو، او د همکارو بنسټونو له لوري د یاد ولایت د ماشومانو د اصلاح او روزنې له مرکزي سره د ژمنیو توکو مرسته وشوه.
په یادو مرسته شویو توکو کې، د ژمي لپاره بوټونه، جمپرونه، جورابې او داسې نور لازم توکي موجود وو، چې د یاد زندان د مسوولینو له خوا په پوره شفافیت سره په محجوزینو وويشل شول.
همدا راز، د دې زندان مسوولینو د یادو ژمنيو او اړتیا وړ توکو د مرستې په موخه د مننې ترڅنګ دغه توکي اړین بللي او له نوموړو یې د ورته نورو مرستو او همکاریو پر دوام ټینګار کړی.
شعبان المعظم ۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
