د زندانونو چارو د سمون ادارې د نظامي معاونیت د ارکان رئیس په مشرۍ پلاوي هلمند ولایت ته سفر وکړ
د دغې ادارې د نظامي چارو معاونیت د ارکان رئیس محترم الحاج پاسوال اسدالله "مولانا" په مشرۍ پلاوي د هلمند ولایت له زندانه د لیدنې تر څنګ، له مسوولینو سره پر اړوندو مسایلو خبرې وکړې.
د محترم مولانا په مشرۍ پلاوي د نوموړي زندان له زندانیانو سره هم لیدلي او د هغوی ستونزو او روا غوښتنو تر اورېدو وروسته یې له مسوولینو سره په خبرو کې، د هغوی لپاره د اسانتياوو د رامنځ ته کولو ترخوا د ښو خدماتو پر وړاندې کولو ټینګار وکړ او له زندانیانو سره د نوموړو مسوولینو ښه چلند وستایه.
داراز، پلاوي د یاد زندان د پرسونل او زندانیانو د خوړو (اعاشې)، اباتې، پخلنځي، تعمیراتي او روغتیايي چارو وضعیت له نږدې وارزاوه او د ستونزو حلولو، لازمو اسانتیاوو برابرولو او روا غوښتنو ته د رسېدنې په موخه، اړوندو مسوولینو ته لازمې لارښوونې وکړې.
همداشان، پلاوي د هلمند ولایت د زندان له امنیتي قراولونو، ټاورونو، او امنیتي پوستو څخه په جلا جلا توګه لیدنه وکړه او د زندانیانو د امنیت د لا ټینګښت په موخه، امنیتي مسوولینو ته یولړ سپارښتنې هم وکړې.
جمادي الاول ۱۵ / ۱۴۴۵
د مقام د دفتر ریاست
د اطلاعاتو او عامه اړیکو امریت
