د زندانونو چارو د سمون ادارې نظامي چارو مرستیال د مرکزي برخې له یو شمېر نظامي مسوولینو سره ناسته وکړله
محترم لوی پاسوال الحاج محمد کاظم "طارق" په داسې حال کې، چې یادې ادارې د نظامي چارو معاونیت د ارکان رئیس محترم پاسوال الحاج اسدالله "مولانا"، د کشف او اوپراتېفي رئیس مل پاسوال محترم مولوي عبدالشکور"طیب"، د قرارګاه د امنيتي قطعې قوماندان مل پاسوال محترم مولوي خالقداد "رحمت" او یو شمېر د نظامي برخو مسوولینو سره د یادې لیدنې پرمهال نوموړو سره د زندانیانو لپاره د ښو خدماتو، هغوی ته مناسب امنیتي چاپېریال برابرولو او اړوندو نورو مسایلو په اړه خبرې اترې وکړې.
داراز، د نظامي چارو مرستیال خپلو خبرو په ترڅ کې وویل: « اطاعت، یو بل سره ښې همغږۍ او اغېزناکو امنیتي تدابیرو په رامنځته کولو سره کولی شو چې په ګډه د زندانونو او زندانیانو د امنیت د لا خونديتوب لپاره کار وکړو».
همداشان، محترم لوی پاسوال الحاج محمد کاظم "طارق" نظامي مسوولینو ته سپارښتنه وکړله، چې د یادې ادارې نظامي تجهیزاتو څخه د ښې ساتنې سربېره تل د استفادي لپاره باید چمتو وي.
رمضان المبارک ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
