د زندانونو چارو د سمون ادارې عمومي رئیس په مشرۍ پلاوي بلخ ولایت د زندان څخه لیدنه وکړله
د دې ادارې عمومي رئیس محترم الحاج مولوي محمد یوسف"مستري" د نوموړي ولایت د زندان وضعیت و ارزاوه او له مسوولینو سره یې هم پر اړوندو مسایلو خبرې اترې وکړې.
داراز، محترم الحاج مولوي محمد یوسف مستري په مشرۍ پلاوي د دغه ولایت د زندان له زندانیانو سره ولیدل او هغوی ورته د خپل حالت او د زندان د مسوولینو له خوا د مناسبو خدمتونو وړاندې کولو په اړه معلومات ورکړل او هم یې ځینې غوښتنې لرلې، چې د پلاوي له لورې اړوندو مسوولینو ته سپارښته وکړله چې د هغوی ستونزو او غوښتنو ته رسېدنې وکړي.
په ورته مهال، د نوموړې ادارې عمومي رئیس د نوموړي زندان د ښوونې بیا روزنې، ډوډۍ او خوړو پخولو، اباتې، د برېښنايي خدماتو وړاندې کولو تعمیراتي او روغتیايي چارې له نږدې وارزولې او د هغو لا ښه والي لپاره اړوندو مسوولینو ته لازمې سپارښتنې وکړې.
د زندانونو چارو د سمون ادارې عمومي رئیس محترم الحاج مولوي محمد یوسف مسترۍ په مشرۍ پلاوي د بلخ ولایت د زندان امنیتي ټاورونو، قراولونو، امنیتي پوستو او نورو برخو څخه لیدنه وکړله او د امنیتي تدابیرو لا ښه والي لپاره اړوندو مسوولینو ته لازمې سپارښتنې وکړې.
ربیع الاول ۲۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
