د کابل ولایت د نشه یي توکو ځانګړي امنیت لرونکي محبس لپاره نوی امر په دنده وګومارل شو
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه د کابل ولایت د نشه یي توکو ځانګړي امنیت لرونکي محبس لپاره نوی امر په دنده وګومارل شو
په دې اړه په جوړو شویو مراسمو کې، چې د ادارې د بشري سرچینو ریئس محترم مولوي ضیاءالرحمن "سعید"، له عدلي او قضایي اورګانونو سره د اړیکو رئیس محترم مولوي عبدالله "حقیق"، د ولایتونو سره د اړیکو رئیس محترم مولوي عبدالفتاح "فاتح" د شخصیتي دوسیو امر محترم مولوي فضل احمد "احمدي"او یو شمېر نورو مسوولینو هم شتون درلود، محترم مولوي حبیب الرحمن "رحماني" د یاد محبس د امر په توګه پرسونل ته معرفي شو.
د زندانونو چارو د سمون ادارې د کارکوونکو چارو رئیس محترم مولوي ضیاءالرحمن سعید د یادو مراسمو پرمهال خپلو خبرو کې وویل، په ادارو کې د تغییر او تبدیل موخه د کارونو ښه والی او پرمختګ دی، نو هیله ده چې په دې برخه کې له نوموړي مسوول څخه په چارو کې ښې لاسته راوړنې ولرو.
همداشان، محترم مولوي سعید له مخکیني امر څخه مننه وکړله او د هغه تېر خدمتونه او لاسته راوړنې یې وستایلې او له نوي مسوول څخه یې وغوښتل چې د اړوندو چارو د ښه پرمخ وړلو لپاره نه ستړې کېدونکو هلوځلو ته دوام ورکړي.
په پای کې، محترم مولوي جبیب الرحمن رحماني ژمنه وکړله چې د زندانونو چارو د سمون ادارې د رهبرۍ له لورې ورسپارل شوي مسوولیتونه به پر وخت او په پوره امانتولۍ ترسره کوي.
ربیع الاول ۱۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
