د زندنونو چارو د سمون ادارې د مخدره توکو سره د مبارزې ځانګړي امنیت لرونکي محبس محبوسینو لپاره د عقیدې او فکري روزنې په موخه شپږ ورځینی ښوونیز او اصلاحي سمینار پای ته ورسېده
د دې ادارې د ښوونې او بیا روزنې ریاست او د تنویر فکري او فرهنګي خپرندویې ټولنې سره په ګډه همکارۍ چې د مخدره توکو سره د مبارزې ځانګړي امنیت لرونکي محبس د محبوسینو لپاره د عقیدې او فکري روزنې په موخه سمینار جوړ شوی و، نن پای ته ورسېد.
په دې اړه جوړو شویو مراسمو کې، د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" په داسې حال کې چې د مقام د دفتر رئیس محترم قاري رحمت الله "ګلزاد"، د ښوونې او بیا روزنې رئیس محترم مولوي نظرمحمد "ناصري"، د یاد زندان امر محترم مولوي نعمت الله "زید" او یو شمېر نورو مسوولینو هم شتون درلود، د سمینار ګډونوالو ته په خبرو کې وویل؛ دا ډول اصلاحي سمینارونه د زندانونو چارو د سمون ادارې اړوند په ټولو زندانونو کې دوام لري او د زندانیانو د اصلاح لپاره بېلابیلې ښوونیزې او روزنیزي برنامې په لاره اچول شوي څو زندانیان د بند مودې په پوره کېدو سره سم د متدینو پرهیزګاره او سالمو وګړو په توګه کورنۍ او ټولنې سره یو ځاي شي.
داراز، د یادې ادارې د مقام د دفتر رئیس محترم قاري رحمت الله ګلزاد په خبرو کې وویل؛ چې زندانونه د شکنجې ځایونه نه، بلکي پر اصلاحي مرکزونو بدل شوي او نوموړې اداره د زندانیانو د ښې روزنې ترڅنګ، هغوی سره د میلمنو په څیر چلند کوي.
په ورته وخت کې، د ښوونې او بیا روزنې رئیس محترم مولوي نظر محمد ناصري زیاته کړله چې اوس زندانونه د زندانیانو د اصلاح او د شخصیت جوړونې په مرکزونو بدل شوي، څو هغوی په راتلونکې کې د ناروا کړنو څخه لرې او د سالمو او مصلحو وګړو په څېر خپلو کورنیو او ټولنې ته د خدمت جوګه شي.
صفر المظفر ۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
