د زندانونو چارو د سمون ادارې د نظامي چارو معاونیت د ارکان رئیس د ادارې له یو شمېر نظامي مسوولینو سره د همغږۍ ناسته ترسره کړله
په ياده ناسته کې، د زندانونو چارو د سمون ادارې د نظامي چارو معاونیت د ارکان رئیس محترم پاسوال الحاج اسدالله "مولانا" په داسې حال کې چې د نظامي ښوونې او روزنې واحد قوماندانۍ قوماندان محترم مل پاسوال مولوي نورالله "دروېش"، د قرارګاه د امنيتي قطعې قوماندان محترم مل پاسوال مولوي خالقداد "رحمت" د پولیسو د حقوقو، تخنیک، اوپراسیون مدیرانو او یو شمېر نورو امنیتي مسوولينو په ګډون جوړه شوې وه، د کاري چارو د ښوالي او د مسوولینو او پرسونل ترمنځ د لاښې همغږۍ، غوره پلان جوړولو، سهولتونو او خدمتونو برابرولو په اړه خبرې اترې وکړې.
داراز، په یاده ناسته کې يو شمېر امنيتي مسوولينو خپلو کاري کړنو او لاسته راوړنو او د ځينو ستونزو او اړتیاوو يادونه وکړله، چې د نظامي چارو معاونیت د ارکان رئیس له خوا ورته په یادو برخو کې د رسېدنې ډاډ ورکړل شو.
په پای کې د نظامي چارو د معاونیت د ارکان رئیس محترم پاسوال الحاج اسدالله مولانا د امنيتي مسوولينو او پرسونل ترمنځ د کارونو لا ښه پرمختګ د پوره همغږۍ او همکارۍ پر زیاتولو ټینګار وکړ او اړوندو مسوولینو ته یې لازمې لارښوونې وشوې.
محرم الحرام ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
