د زندانونو چارو د سمون ادارې عمومي رئیس په مشرۍ پلاوي د هلمند ولایت د کجکي او سنګین ولسوالیو د توقیفخونو ودانیو رغنیزو چارو څخه لیدنه وکړله
د دې ادارې عمومي رئیس محترم الحاج مولوي محمد یوسف "مستري" په داسې حال کې چې د هلمند ولایت د زندان رئیس محترم الحاج ملا بهاوالدین "عاطف"، د صنعتي امر محترم ملا سیف الله "انوري" او یو شمېر نورو مسوولینو یې ملتیا کوله، د یاد ولایت د کجکي او سنګین ولسوالیو توقیفخونو د ودانیو جوړولو چارو څخه لیدنه وکړله او له اړوندو مسوولینو څخه یې وغوښتل چې د یادو توقیفخونو رغنیزې چارې په چټکۍ سره بشپړې کړې څو توقیفیانو ته لازمې اسانتیاوې برابرې شي.
دا راز، د یاد ولایت د زندان رئیس محترم الحاج ملا بهاوالدین عاطف ووېل: نوموړې توقیفخونې له اوسني عصر سره سم په پاخه او اساسي ډول جوړیږي چې په بشپړېدو سره به یې د یادو ولسوالیو د توقیفخونو توقیفیانو ته لازمې اسانتیاوې برابرې او ستونزې به یې هوارې شي.
ذوالحجة الحرام ۱۷/ ۱۴۴۶
د مقام دفتر ریاست
د اطلاعاتو او عامه اړیکو امریت
