د زندانونو چارو د سمون ادارې عمومي رئیس د سره صیلب نړېوالې کمېټې یوه پلاوي سره وکتل
د دې ادارې عمومي رئیس محترم الحاج مولوي محمد یوسف "مستري" په خپل کاري دفتر کې په داسې حال کې چې د اقتصادي برنامو او ستراتېژیکو اړیکو رئیس محترم عبیدالله "اخلاص" او د مقام سکرتر محترم ډاکتر محمد عوض "خپلواک" هم ورسره وو، د افغانستان لپاره د سره صیلب نړېوالې کمېټې استازې اغلې کترینا ریتز په مشرۍ پلاوي سره په کتنه کې د دواړو لوریو پرخپلمنځي همغږۍ زیاتولو، یو له بل سره په کډو همکاریو او تخنیکي مرستو راجلبولو په اړه خبرې اترې وکړې.
همدا شان دواړو لوریو د ېوې کارې تفاهمنامې په هکله خبرې وکړې چې پر بنسټ به یې د سره صلیب نړېواله کمېټه وکولی شي د نړېوالو همکارو بنسټونو څخه ډیرې مرستې راجلب او خپلې مرستې لا نور هم زیاتې کړي.
همدا راز، د زندانونو چارو د سمون ادارې عمومي رئیس محترم الحاج مولوي محمدیوسف مستري د یادې کتنې په ترڅ کې د سره صیلب نړېوالې کمېټې استازو ته د ښه رغلاست ویلو ترڅنګ د یادې کمېتې له مخکینیو مرستو څخه مننه وکړله او هیله مندي یې وښوده چې نوموړې کمېټه به یادې ادارې سره د تېر په څېر خپلو مرستو او همکاریو ته دوام ورکړي.
داراز، د سره صیلب نړېوالې کمېټې استازې کترینا اغلې ریتز په مشرۍ پلاوي د زندانونو چارو د سمون ادارې څخه په مننې وويل؛ نوموړې کمېټه د یوې بې پرې ادارې په توګه زندانیانو سره د بشري مرستو ترڅنګ به نړېوال خیریه بنسټونه وهڅوي څو مرستې را جلب او په ګډه خپلو همکاریو ته دوام ورکړي.
په پای کې محترم الحاج مولوي محمد یوسف مستري د مرکزي زندان د زندانیانو لپاره د سولر برېښنا سیستم تنظیم او داسې نور د اړتیا وړ تخنیکي مرستو غوښتنه وکړله چې د راغلي پلاوي له لورې ورته په دې برخه کې د همکارۍ ډاډ ورکړل شو .
ذوالقعدة الحرام ۳۰/ ۱۴۴۶
د مقام د دفتر ریاست
اطلاعاتو او عامه اړیکو امریت
