د ننګرهار په مرکزي زندان کې د والیبال سیالیو ټورنمنټ په لاره واچول شو
د ننګرهار په مرکزي زندان کې د زندانیانو ترمنځ د ( سالمې روزنې) تر عنوان لاندې د والیبال دوستانه سیالیو ټورنمنټ پیل شو.
په دې اړه جوړو شویو مراسمو کې د دې ولایت د زندان رئیس محترم مولوي سهیل سعید، د ملي المپیک د بدنې روزنې او ورزش رئیس او شمېر نورو مسوولینو هم ګډون درلود، زندانیانو ته ورزش د روغتیا او رواني سکون لپاره اړین یاد کړ او هغوی وهڅول چې د دیني او عصري زده کړو ترڅنګ په ورزشي برنامو کې هم فعاله ونډه واخلي.
داراز، د ملي الملپیک د بدنې روزنې او ورزش رئیس عبدالسلام وزیروال په خپلو خبرو کې زندانیانو سره د ورزش په برخه کې د همکارۍ ډاډ ورکړ او له زندانیانو څخه يې وغوښتل چې خپلو جسمي او فکري پیاوړتیا لپاره ورزش ته ځانګړې پاملرنه وکړي.
دغه تورنمنټ چې د زندانیانو د والیبال لسو لوبډلو ترمنځ پنځه ورځې دوام کوي، موخه یې د زندانیانو ترمنځ سالمې سیالۍ، بدني روزنې ته ودې ورکول او رواني فشار کمول دي.
همدې حال کې، د ننګرهار ولایت زندان د ماشومانو د اصلاح او روزنې مرکز مسوولینو ته یو ورځینۍ سمینار ورکړل شو
د دې ولایت د کار او ټولنیزو چارو ریاست او هایسو موسسې په همکارۍ د نوموړي زندان ماشومانو د اصلاح او روزنې مرکز مسوولینو ته په یو ورځیني ښوونیز او روزنیز سیمینار کې د کاري وړتیا لوړلو، محجوزینو ته د خوندي چاپېریال رامنځته کولو او د چارو ښه والي په موخه هر اړخېز معلومات ورکړل شول.
داراز، د دې د زندان مسوولینو دا ډول ښوونیز پروګرامونه د پرسونل د وړتیا لوړونې لپاره ګټور وبلل او له ګډونوالو یې وغوښتل، څو په دې سمینار کې له ترلاسه کړیو معلوماتو او روزنو څخه د خپلو چارو په عملي برخه کې ښه ګټه واخلي.
ورته مهال، د ننګرهار ولایت د کار او ټولنیزو چارو ریاست او د هایسو موسسې په همکارۍ د دې مرکز محجوزینو ته د ناچاودېدونکو توکو څخه د ژغورنې په موخه عامه پوهای ورکړل شو
د هایسو موسسې استادانو له لورې د نوموړي مرکز محجوزینو ته د ناچاودېدونکو توکو د خطرونو په اړه هر اړخیر معلومات ورکړل شول.
همداراز، د سمینار په پای کې د یادې موسسې له لورې محجوزینو باندې یوه اندازه خوراکي توکې او قرطاسیه وویشل شول.
جمادي الثاني ۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
