د ننګرهار ولایت په زندان کې د ۶۰ تنو زندانیانو ترمنځ د قرآن کریم د تجوید سیالۍ ترسره شوه
ولایتي خبرونه (ننګرهار، زابل، میدان وردګ)
د ننګرهار ولایت په زندان کې د ۶۰ تنو زندانیانو ترمنځ د قرآن کریم د تجوید سیالۍ ترسره شوه
دغه سیالۍ چې د دې ولایت د زندان د مسوولینو لورې په په لاره اچول شوې وې او د دې زندان د حیدري، محمدي او عمري بلاکونو ۶۰ تنو زندانیانو ګډون درلود، نن پای ته ورسېدې.
د نوموړي زندان رئیس محترم مولوي محمد مقتدا "حفیظ الله" د غونډې ګډونوالو ته د قرآن عظیم الشان په فضیلت خبرې وکړې او زیاته کړه چې د دیني او عصري او زده کړو په ترلاسه کولو سره کولی شئ خپلې چارې سمې او دنیوي او اخروي ګټې ترلاسه کړی.
داراز، غوندې په پای کې د زندان د مسوولینو له لورې د سیالۍ ګډونوالو ته ستایلکونه ورکړل شول.
د یو بل خبر له مخې، د زابل ولایت د زندان مسوولینو په وینا، د دې ولایت زندان له زندانیانو څخه د خاتم النبیین (صلی الله علیه وسلم) تر عنوان لاندې د سیالیو ازموینه چې د دې ولایت د پوهنې ریاست د تدریسي امریت او اطلاعاتو کلتور ریاست د ځوانانو چارو امریت لورې په لاره اچول شوې وه، د یولړ مراسمو په ترڅ کې پای ته ورسېده.
په دې اړه جوړو شویو مراسمو کې چې د دې ولایت د زندان امر محترم مولوي محمد هاشم "حقاني" د پوهنې او اطلاعاتو او کلتور ریاست د ځوانانو چارو مسوولینو برخه لرله، د نبوي (صلی الله علیه وسلم) سیرت زده کړې او دغه ډول روزونکو برنامو په ارزښت یې خبرې وکړې او زیاته کړه، د دې سیالۍ څخه یې موخه د رسول الله (صلی الله علیه وسلم) ژوند، کړه وړه په ټولنه کې د چلند په اړه ستاسو خبرول دي او په کار ده چې هر مسلمان ځوان د خپل محبوب پیغمبر (صلی الله علیه وسلم) د مبارک سیرت څخه ځان خبر کړي او په خپل ورځني ژوند کې یې عملي کړي.
د یادولو ده چې د ګډونوالو د اموزینې پاڼو کتلو وروسته به د دغې سیالۍ غوره زده کوونکو ته ډالۍ او ستاینلیکونه ورکړل شي.
بلخوا بیا د میدان وردګ ولایت د زندان مسوولینو له لورې د سید اباد ولسوالۍ توقیفخونې لپاره نوی امر او مرستیال او نوموړي زندان د ښځینه زندان بلاک لپاره نوی امر معرفي شول او په چارو کې ورته د لا بریالیتوب هېله وشوه.
ربیع الاول ۲۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
