د زندانونو چارو د سمون ادارې د نظامي معاونیت د ارکان رئیس او مل پلاوي یې د کابل ولایت د څرخي پله د مرکزي محبس څخه لیدنه وکړه
د دغې ادارې د نظامي چارو معاونیت د ارکان رئیس محترم پاسوال الحاج اسدالله "مولانا" په مشرۍ پلاوي د کابل ولایت د څرخي پله د مرکزي زندان له مسوولینو سره ولیدل او د زندانیانو په اړوند مسایلو یې ورسره خبرې اترې او سلا مشورې وکړې.
داراز، د محترم مولانا په مشرۍ پلاوي د نوموړي محبس له محبوسینو سره هم له نږدې وکتل، د هغوی وضعیت یې وارزاوه چې نوموړو له دوی سره د مسوولینو چلند ښه یاد کړ.
همدا راز، پلاوي نوموړو محبوسېنو ته ډاډ ورکړ چې د تل په څېر به یې ستونزو او غوښتنو ته رسېدنه کېږي، او اړوندو مسوولينو ته د نوموړو لپاره د اسانتياوو پر لا زیاتولو، ستونزو او روا غوښتنو ته یې د رسېدنې په موخه لازمې لارښوونې وکړې.
دغه راز، پلاوي د یاد محبس د پرسونل او زندانیانو لپاره له پخلنځي څخه هم ليدنه وکړه او د غذايي توکو د کیفیت، د پخولو د څرنګوالي په اړه یې له اړوندو مسوولینو او پخوونکو سره خبرې وکړې او نوموړو ته یې د خوړو د کیفیت د لاښه کولو او د پاکۍ او نظافت پر پام کې نیولو په موخه لازمې لارښوونې وکړې.
په ورته وخت کې، پلاوي د یاد محبس د روغتیايي چارو، پلورنځي، امنیتي پوستو، ټاورونو او قراولونو وضعیت وارزوه او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.
صفر المظفر ۲۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
