د زندانونو چارو د سمون ادارې د مالي او اداري عمومي رئیس د اړوندو مالي برخو له مسوولینو سره په ناسته کې پر مهمو مالي مسایلو بحث وکړ
د زندانونو چارو د سمون ادارې د مالي او اداري عمومي رئیس محترم مولوي عبدالهادي مالي "اخندزاده" د ادارې د مالي او حسابي رئیس محترم مشعل "حکمت"، د تدارکاتو رئیس محترم میرمحمد "مجدود" او یو شمېر نورو مربوطه مسوولینو ترمنځ جوړې شوې ناستې په ترڅ کې د (۱۴۰۳) مالي کال پر پلانونو، د بودجې پرځای کارولو او یو شمېر نورو اړوندو مسایلو په اړه هراړخیز بحث او لازمې سلا مشورې وشوې.
داراز، د زندانونو چارو د سمون ادارې د مالي او اداري عمومي رئیس ګډونوالو ته په خبرو کې زیاته کړه چې د یادې ادارې تر چتر لاندې د ریاستونو او امریتونو مسوولین دې په نوي مالي کال کې د لا غوره امکاناتو د چمتو کولو په موخه خپلې هڅې نورې هم کړندۍ کړئ څو پر مټ یې په اداري چارو کې مثبت تغیر ولرو.
همداشان، په یاده ناسته کې د اړتیا وړ مهمو موضوعاتو په هکله هم بحث وشو او په دې تړاو اړوندو مسوولینو ته د شرعي او قانوني اصولو په مطابق لازمې لارښوونې وشوې.
صفر المظفر ۱۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
