ولایتي خبر: (ننګرهار) د ننګرهار ولایت د زندان رئیس په مشرۍ پلاوي د شپې ناوخته د خوګیاڼو ولسوالۍ د توقیف خونې څخه لیدنه وکړله
په دې لیدنه کې د یاد زندان رئیس محترم مولوي سهیل سعید د نوموړې توقیف خونې اداري بهیر، اعاشوي چارې او د توقیفي بندیانو حالت له نږدې وڅېړه او د یاد توقیف خونې مسوولینو، اړوند اداري فعالیتونو، تنظیمي چارو او اعاشوي وضعیت په اړه مفصل معلومات وړاندې کړل چې نوموړي پلاوي د توقیف خونې له عمومي وضعیت څخه خوښي څرګنده کړه او د چارو د لا ښه تنظیم او اغېزمنتیا په موخه یې اړینې سپارښتنې وکړلې.
د یو بل خبر له مخې، د سره صلیب نړیوالې کمېټې له لورې د ننګرهار ولایت د زندان له زندانيانو سره یوه اندازه خرما مرسته وشوه
د زندانونو چارو د سمون ادارې د اقتصادي برنامو رياست په هڅو د سره صلیب نړیوالې کمیټې له لورې د روژې مبارکې مياشتې په مناسبت د ننګرهار ولايت زندانيانو ته ۲۱۹۵ کيلوګرامه خرما مرسته وشوه چې د مسوولینو له لورې په شفافه توګه پر زندانیانو وویشل شوه.
رمضان المبارک ۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
