ولایتي خبرونه( پکتیا، هلمند، بغلان، بامیان ) پکتیا ولایت د زندان ملکي پرسونل ته یو ورځینی سمینار ترسره شو
دغه سمینار چې د پکتیاد زندان مسوولینو له لورې د کارکوونکو د ظرفیت لوړونې په موخه جوړ شوی وو، د یوې ورځې په موده کې ګډونوالو ته د پلان جوړونې او د کاري چارو ښوالې په موخه هر اړخېز معلومات وړاندې شول.
همدا شان، د دې ولایت د زندان مسوولینو هم دا ډول پروګرامونه د ادارې د کارکوونکو د ظرفیت لوړونې په هدف غوره وبله او ګډنوال یې وهڅول څو په غور سره ترې ګټه پورته کړي.
د یو بل خبر له مخې، د هلمند ولایت د مقام له لورې د دې ولایت زندانیانو ته روژه ماتی ورکرل شو.
د روژې مبارکې میاشتې د درناوي او بندیانو سره د همدردۍ په موخه د دې ولایت والي محترم الحاج مولوي عبدالرحمن مسلم کندوزي له خوا ۱۰۰۰ تنو زندانیانو ته روژه ماتی ورکړل شو.
داراز، د هلمند ولایت د زندان مسوولینو د والي څخه د مننې ترڅنګ په نوور شتمنو کسانو هم غږ وکړ چې په دې مبارکه میاشت کې د زندانیانو او بې وزلو کسانو لاسنوي وکړي.
همداراز، د نوموړي ولایت زندانیانو د ولایت د مقام د همدردۍ څخه د مننې ترڅنګ دا کار یې د دوی روحیې په لوړولو او په اصلاح کې مثبت ګام یاد کړ.
بلخوا بیا، د بغلان ولایت د زندان سره د (جي پي) موسسې لورې د حفظ الصحې او اړتیا وړ نورو توکو مرسته وشوه.
دغو مرستو کې چې کمپلې، پټوګان، د غاښو کریمونه او برسونه، د مینځلو او یوه اندازه د اړتیا وړ نور توکي شامل ول د دې ادارې د اقتصادي برنامو او ستراتېژیکو اړیکو په همغږۍ سره د دې ولایت د زندان په ۴۰۰ زندانیانو د یادې موسسې استازو په حضور کې وویشل شول.
د نوموړي زندان مسوولینو په وینا، یاده اداره هڅه کوي څو کورنيو او نړېوالو خیریه بنسټونو مرستې جلب او په مټ یې زندانیانو ته لا ډیرې اسانتیاوې برابرې کړي.
ورته مهال، د بامیان ولایت زندان سره د افغاني سرې میاشتې ټولنې له لورې د ۴۰ کیلو خرما مرسته وشوه
د غه مرسته چې د افغاني سرې میاشتې ټولنې لورې شوې وه، د دې ولایت اړوندو مسوولینو له خوا په زندانیانو وویشل شوه.
رمضان المبارک ۱۵/ ۱۴۴۶
د مقام د دفتر ریاست
د اطلاعاتو او عامه اړیکو امریت
