ولایتي خبرونه (سمنګان- میدان وردګ- فاریاب) د سمنګان ولایت په زندان کې د فلزکارۍ شاپ پرانیستل شو.
د سمنګان ولایت د زندان د مسوولینو په هڅو او د دې ولایت د تخنیکي او مسلکي تعلیماتو امریت سره په همغږۍ په دغه زندان کې د زندانیانو د حرفوي زده کړو په موخه د فلزکارۍ شاپ پرانیستل شو.
همداراز، د دې زندان مسوولینو د رونېزو برنامو پلي کېدل د زندانیان په روزنه کې خورا اړین یاد کړل او په کورنیو او نړېوالو بنسټونو یې غږ وکړ څو په زندانونو کې د ورته نورو ښوونېزو او روزنېزو برنامو په چمتو کولو کې ورسره همکاري وکړي.
په ورته وخت کې، د دې ولایت د تخنیکي او مسلکي تعلمیاتو مسوولینو ژمنه وکړه چې په راتلونکې کې به د قالین اوبدلو (قالین بافۍ) شاپ هم پرانیزي.
د یادولو ده، چې په دغه شاپ کې به ۳۰ تنه زندانیان د فلزکارۍ په زده کړه بوخت شي.
د یو بل خبر له مخې، د میدان وردګ ولایت د زندان او توقیفخونو د کارکونکو د ظرفیت لوړونې په موخه دوه ورځینی سمینار پای ته ورسېده
د دغه ولایت د زندان د مسولینو په وینا، یاد سمینار یې د تجربه لرونکو ښوونکو له خوا پیل کړی وو، چې ګډونوالو سره یې د توقیفیانو او محبوسینو د ساتنې له هغوی سره د ښه چلند او ورته د غوره اسانتیاوو برابرولو تر څنګ نور د اړتیا وړ مهم موضوعات شریک شول.
بل خوا بیا، د فاریاب ولایت د زندان مسوولین زیاتوي چې د یاد زندان په انګړ کې یې د یو جومات د بیا رغونې چارې روانې کړي چې په نږدې راتلونکي کې به بشپړې او په یو وخت کې به د لسګونو تنو لمونځ کوونکو ظرفیت لري.
جمادي اولاول ۲۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
