ولایتي خبرونه (زابل، پکتیا، پروان) د زابل ولایت د زندان لسګونه تنه زندانیان د قرآن کریم ناظرې او د سواد زده کړو برخو څخه فارغ شول
د دې ولایت د زندان ۵۸ تنه محبوسینو د قرآن کریم د ناظرې او سواد زده کړو دورې بشپړولو وروسته د فراغت سندونه ترلاسه کړل.
په دې اړه جوړو شویو مراسمو کې چې د دې زندان امر محترم مولوي محمد هاشم "حقاني" اوعلماوو کرامو، د نوموړو زندانیانو د کورنیو غړو هم ګډون درلود، نوموړو مسوولینو د زندانیانو ښوونې او روزنې ته پاملرنه وستایله او له زندانیانو څخه یې وغوښتل چې خپل وخت بې ځایه تېر نه کړي او له دغه طلایي فرست څخه ګټه پورته، په دیني عصري او حرفوي زده کړو سمبال او د سالمو وګړو په توګه ټولنې سره یو ځای شي.
د یو بل خبر له مخې، د پکتیا ولایت مرستیال له لورې د دې ولایت د زندان محبوسینو ته د روژه ماتې میلستیا ورکړل شوه
په دې اړه جوړو شویو مراسمو کې چې ددې زندان رئیس محترم قاري عبدالغني "عادل" او شمېر مسوولینو هم شتون درلود، د پکتیا مرستیال د زندانیانو د ښې ساتنې او پالنې او هغوی ته د اسانتیاوو برابرولو هڅې وستایلې او زندانیانو څخه وغوښتل په تېرو کړنو پېښمانه او په راتلوونکې کې د جرم مرتکب نه شي.
همداراز، د مراسمو په کې د دې ولایت مرستیال لورې د نوموړي زندان پر محبوسینو، او محجوزینو یوه یوه جوړه کالي وویشل شول.
بل خوا بیا، د پروان ولایت د زندان له ښځینه محبوسینو سره د (ډبلیو جي او) موسسې له لورې د حفظ الصحې توکو مرسته وشوه
یاده مرسته کې چې شامپو، صابون، دغاښونو برسونه او کریمونه او یو شمېر د اړتیا وړ نور توکي شامل ول، د یاد زندان مسوولینو له لورې د نوموړې موسسې د استازو په حضور کې په ښځینه محبوسینو باندې وویشل شوه.
داراز، د یاد زندان مسوولینو د نوموړې موسسې له مرستو څخه مننې ترڅنګ راتلونکو کې هم د ورته مرستو غوښتنه وکړله.
رمضان المبارک ۱۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
