ولایتي خبرونه(هرات- کندز) د همکارو بنسټونو له لوري د هرات ولایت له زندان سره د تعمیراتي توکو مرسته وشوه
د هرات ولایت د زندان مسوولینو په وینا، د یادو بنسټونو له لوري په تعمیراتي برخو کې چې د دې ولایت د محبس د اول بلاک د ایزوګام تر څنګ د ماشومانو د اصلاح او روزنې په مرکز کې د لمرېزو هندارو، د اوبو د یوې ذخیرې او د اوبو ګرمولو سیسټم نصبول شامل دي.
همداشان، نوموړي زندان مسوولین وايي، د دغو برخو د رغونو چارې په معیاري توګه بشپړې شوې، چې له امله به یې محبوسینو او محجوزینو ته لازمې او د پام وړ اسانتیاوې برابرې شي.
د یوبل خبر له مخې، یونیسف موسسې له لورې د کندز ولایت د ماشومانو د اصلاح او روزنې له مرکز سره د ژمنیو توکو له جملې چې کمپلې، جرابې، جمپرونه او پټوان په کې شامل
وو د دغه مرکز مسوولینو ته و سپارل شوو.
په ورته وخت کې، د دې مرکز مسوولینو د نوموړې موسسې څخه د مننې ترڅنګ یاده مرسته اړینه و بلله او زیاته یې کړه چې له دې سره به محجوزین له سړې هوا خوندي پاتې شي.
داراز، نوموړو ژمنه وکړه چې یاد توکې به په پوره امانتولۍ او روڼه توګه د دې مرکز په محجوزینو ووشي.
جمادي الاول ۱/ ۱۴۴۶
د مقام د دفتر ریاست
اطلاعاتو او عامه اړیکو امریت
