ولايتي خبرونه( لوګر، بدخشان، لغمان، تخار، دایکندي) د لوګر، بدخشان، لغمان، تخار او دایکندي ولایتونو له زندانونو څخه سلګونه کسان خوشې او د ځېنو زندانیانو د بند په موده کې تخفیف ورکړل شو
د عالیقدر امیرالمؤمنین شېخ القرآن والحدیث مولوي هبة الله "اخندزاده"(حفظه الله) د شفقت او مهربانۍ له مخې د سزا د عفوې او تخفیف د فرمان او د سترې محکمې د حکم په اساس د لوګر، بدخشان، لغمان، تخار او دایکندي ولایتونو له زندانونو څخه (۱۵۲)تنو ته عفوه او (۱۸۶) تنو ته چې په دیني او عصري زده کړو کې یې برخه اخیستې او ښه ځلیدلي وو له تخفیف څخه برخمن شول.
د معلوماتو له مخې، د عالیقدر مشرتابه (حفظه الله) د فرمان او د سترې محکمې د حکم په اساس د دغه شمېر کسانو له ډلې په لوګر ولایت کې ۹ تنه کسان خوشي او ۲۶ زندانیانو ته د بند په موده کې تخفیف ورکړل شو.
همداشان، د بدخشان ولایت له زندان څخه ۷۲ تنه خوشي او د ۳۶ تنو محبوسینو په بند موده کې تخفیف ورکړل شو.
دغه راز، د لغمان ولایت له زندان څخه ۵۶ تنه ازاد شول او د ۸۳ تنو زندانیانو د بند په موده کې تخفیف ورکړل شو.
د تخار ولایت له زندان څخه ۷ تنه خوشي او ۲۱ تنو زندانیانو ته د بند په موده کې تخفیف ورکړل شو.
په همدې حال کې، د دایکندي ولایت له زندان څخه ۸ تنه خوشې او ۲۰ تنو زندانیانو په بند په موده کې تخفیف ورکړ شو.
د نوموړو ولایتونو مسوولینو، د دوی د ازادېدو له امله مبارکي وویله او له هغوی یې وغوښتل، څو په راتلونکې کې داسې اعمال ترسره نه کړي چې د اسلامي شریعت او افغاني ټولنې د اصولو خلاف وي.
د زندانونو چارو د سمون اداره ژمنه ده، چې د عفوې او تخیف په اړه فرمانونه په پوره امانتولۍ او روڼه توګه پلي کړي.
رجب المرجب ۲۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
