د یونیسف موسسې له لورې د بامیان ولایت د ماشومانو د اصلاح او روزنې له مرکز سره د حفظ الصحې توکو مرسته وشوه
د ملګرو ملتونو د ماشومانو ملاتړ صندوق "یونیسف" د یاد ولایت د ماشومانو د اصلاح او روزنې له مرکز سره د حفظ الصحې توکو له جملې چې په کې د ځان مینځلو، کالیو مینځلو،غاښونو مینځلو بورس، کریم، صابون، شامپو او یو شمیر نور توکي شامل وو، د پلاوي په شتون کې په روڼه توګه په محجوزینو ووېشل شول.
همدا راز، د دې زندان مسوولینو د یادو مرستو په تړاو له یونیسف موسسې او د دې ادارې د اقتصادي برنامو او ستراتېژیکو اړیکو ریاست څخه د مننې دغه مرستې اړینې وبللې او ترخوا یې په نورو داخلي او نړیوالو بنسټونو هم غږ وکړ چې له دوی سره خپلو مرستو او همکاریو ته دوام ورکړي.
د یو بل خبر له مخې، د بامیانو ولایت د زندان یوه پلاوي د دې ولایت د پنجاب ولسوالۍ له توقیفخونې څخه لیدنه وکړله
د دې ولایت د زندان نظامي مدیر محترم قاري بسم الله "عابد" په مشرۍ يوه پلاوي د یاد ولایت د پنجاب ولسوالۍ د توقیفخونو له چارو څخه ارزونه وکړله او اړوند مسوولینو ته یې لازمې لارښوونې وګړې.
رجب المرجب ۱۴/ ۱۴۴۶
د مقام د دفتر ریاست
اطلاعاتو او عامه اړیکو امریت
