د کار او ټولنيزو چارو وزارت معين د ننګرهار ولایت له زندان څخه ليدنه وکړله
د کار او ټولنيزو چارو وزارت معين محترم مولوي محمد زاهد "احمدزی" او ننګرهار ولايت د کار او د ټولنيزو چارو رئيس محترم مولوي فريدالله "حقاني" په ملتيا یوه پلاوي د ننګرهار ولايت زندان څخه د لیدنې ترڅنګ یې د نوموړي زندان مسوولینو سره په اړوندو مسایلو خبرې وکړي.
داراز، نوموړي پلاوي د یاد زندان اړوند د بېلابېلو حرفوي شاپونه څخه یې د لیدنې ترڅنګ له زندانيانو سره يې هم له نږدې وکتل او هغوی ته یې اصلاحي ويناوې وکړې او د حرفوي زده کړو پر ارزښت او د ټولنې ته د بېرته ستنېدو پر سالم بهير يې ټينګار وکړ.
همداراز، د کار او ټولنيزو چارو وزارت معين محترم مولوي محمد زاهد احمدزي ډاډ ورکړ، چې د راتلونکي مالي کال په بهير کې به د زندانونو چارو د سمون ادارې د اقتصادي برنامو او ستراتې ژيکو اړيکو له رياست سره په همغږۍ، د حرفوي زده کړو بېلابېل شاپونه برابري کړي، څو زندانيان د حبس د مودې پر مهال مسلکي مهارتونه زده او له بند څخه تر خوشې کېدو وروسته وکولی شي د همدې مهارتونو له لارې خپل ژوند او د کورنيو اقتصادي اړتیاوې په مشروع ډول برابرې او له تکراري جرمونو څخه ځان وساتي.
ورته مهال، د ننګرهار ولايت د زندان رئيس محترم مولوي سهيل "سعيد" د ياد پلاوي د ليدنې هرکلی وکړ او د حرفوي زده کړو د پراختيا پر اهميت يې ټينګار وکړ.
نوموړي زياته کړه، چې د حرفوي مهارتونو زياتوالی د زندانيانو په اصلاح، بيا ادغام او ټولنې ته د سالم وګړو په څېر د هغوی په وړاندې کېدو کې رغنده رول لري.
رجب المرجب ۱۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
