د نړېوالو مرستندویو بنسټونو له لورې د کابل ولایت له توقیفخونې سره د مینځلو توکو او د البسې کڅوړو مرسته وشوه
د یادو بنسټونو مسوولینو له لورې په داسې حال کې چې د زندانونو چارو د سمون ادارې د اقتصادي برنامو او ستراتیژیکو اړیکو رئیس محترم سید احمد اسحاقزي او د یادې توقیفخونې کارکوونکو هم شتون درلود ، د کابل ولایت د توقیفخوني له توقیفیانو سره د مینځولو توکو او د البسې کڅوړو مرسته وشوه.
د دې ادارې مسوولینو یاده مرسته د ناروغیو په مخنیوي او د توقیفیانو روغتیا ته د پاملرنې په برخه کې اړینه وبلله او یادو بنسټونو له خوا د مرستو پر دوام یې ټینګار وکړ.
نوموړو زیاته کړه چې یاده مرسته به په شفافه او عادلانه توګه په توقیفیانو وویشي.
په پای کې د نړېوالو مرستندویو بنسټونو مسوولینو ډاډ ورکړ چې یاد بنسټونه به د هېواد له زندانونو سره خپلو مرستو ته دوام ورکړي.
ربیع الاول ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
