د ننګرهار ولایت د توقیفخونو امرینو ته ۳ورځینې روزنیز سیمینار پیل شو

د ننګرهار د مرکزي زندان رئیس محترم مولوي بلال"شاهین"، د دې ولایت د (۱۲)ګونو توقیفخونو امرینو لپاره د یاد سیمنار د پرانیستنې په مراسمو کې د سیمینار پر ارزښت خبرې وکړې او له امرینو یې وغوښتل، څو له دې ښه فرصت او روزنې څخه په ګټنې خپلې چارې منظمې او چټکې کړي.
په ورته وخت کې، د ننګرهار ولایت د مرکزي زندان د عقیدتي برخې مسوولینو په خبلو خبرو کې د سیمینار برخه والو ته د روزنې په جریان کې د نظم او شرعي اصولو رعایتولو په هکله یوشمېر ګټورې لارښووني وکړې.
یاده دې وي، چې د نوموړي ۳ورځیني روزنیز سیمینار ګډونوالو د دا ډول پروګرامونو پلي کول د دوی او له توقیفیانو سره د چلند په چارو کې ګټور وبلل او زیاته یې کړه، چې د دې سیمینار پرمهال ترلاسه کړې روزنې به په خپلو کارځایونو کې له نور پرسونل سره هم شریکوي، څو هغوی هم ترې برخمن شي.

ربېع الاول ۶/ ۱۴۴۴  
د اطلاعاتو او عامه اړیکو ریاست