د نشه‌يي توکو د پرېښودنې له مرکزه ۵۰ تنو روږدو بنديانو روغتیا ترلاسه کړه

news_admin
جمعه ۱۴۰۰/۵/۲۲ - ۱۲:۰
به تعداد ۵۰ تن زندانی معتاد در مرکز ترک اعتیاد زندان مرکزی، بعد از تداوی صحت یاب گردیدند

د کابل څرخي پله مرکزي زندان امنیتي مرستیال محترم سمونوال محمود "احمدزي" په دې اړه د یو محفل پرمهال، چې د یاد مرکز رئیس، ډاکټرانو، د زندان یو شمېر نظامي مسوولینو او روغو شویو بندیانو شتون درلود وویل، په نشه يي توکو روږدېدل تدریجي مرګ دی او د اسلام مبارک دین هم ترې مسلمانان منع کړي دي، نو باید ترې ډډه وشي.

محترم احمدزي یادو روغو شویو کسانو ته په خپلو خبرو کې وویل، « په داسې حال کې چې تاسو یو ځل دا توکي وکارول او هېڅ ښه نتیجه مو ترې ترلاسه نه کړه، نو زه ډاډه یم چې بیا به په دې بدې پديدې ځان نه اخته کوئ».

هغه له نوموړ روغو شویو بندیانو وغوښتل، چې پخپل کلک هوډ سره دې په زندان کې دننه ورزشي ټیمونو کې په ورزش بوخت شي او له نشه يي توکو او رواني ستونزو دې ځان وساتي.

په ورته وخت کې د نشه‌يي توکو د پرېښودنې ۵۰ بستریز مرکز رئیس محترم ډاکټر احمد ضیا " اوریا" وویل، له تېرو دوو کلونو راپه دېخوا په ۹ دورو کې۴۸۰ تنه په نشه يي توکو او رواني ناروغيو اخته کسانو درملنه شوې، چې هره دوره کې۵۰ ناروغانو روغتیا ترلاسه کړې ده.

هغه زیاته کړه، چې دوی په هره ۴۵ ورځينۍ دوره کې د طبي درملنې ترڅنګ ناروغانو ته د دیني عالمانو په مرسته د اسلام له نظره د نشه يي توکو د زیانونو په اړه معلومات ورکوي، د روانپوهانو ډله یې له رواني ستونزو څخه د خلاصون لپاره ښې مشورې ورکوي او د تفریحي وسایلو پرمټ د تفریح امکانات برابروي.

د محفل په پای کې، د نوموړي مرکز د طبي پرسونل په استازيتوب، درې تنو ډاکټرانو ته د ښو خدمتونو په پار ستاينليکونه هم ورکړل شولی.

ټاکل شوې، چې په نوموړي مرکز کې به سر له سبا په لسمه دوره کې د مرکزي زندان د پنځوسو نورو هغو بندیانو، چې په نشه يي توکو اخته دي د درملنې بهیر پیل شي.

زمری- ۲۲/ ۱۴۰۰

د اطلاعاتو او عامه اړیکو ریاست

تازه خبرونه

جمعه ۱۴۰۰/۵/۲۲ - ۱۲:۰
Background image

د نشه‌يي توکو د پرېښودنې له مرکزه ۵۰ تنو روږدو بنديانو روغتیا ترلاسه کړه

د کابل څرخي پله مرکزي زندان امنیتي مرستیال محترم سمونوال محمود "احمدزي" په دې اړه د یو محفل پرمهال، چې د یاد مرکز رئیس، ډاکټرانو، د زندان یو شمېر نظامي مسوولینو او روغو شویو بندیانو. . .

چهارشنبه ۱۴۰۰/۵/۲۰ - ۱۲:۳۰
Background image

په کابل ښځینه زندان کې د کسب او سواد زده کړې د زده کوونکو د فراغت مراسم ترسره شول

یادو مراسمو کې، چې د کابل مرکزي زندانونو رئیس محترم میرویس "بهاوي"، د ښځینه زندان یو شمېر ملکي او نظامي مسوولینو، ښځینه بندیانو او له خطر سره مخامخ ماشومانو د خوندیتوب موسسې استازې مریم. . .

یکشنبه ۱۴۰۰/۵/۱۷ - ۲۲:۳۵
Background image

د زندانونو چارو د سمون اداره کې د اساسي قانون په اړه د پوهاوي سیمینار جوړ شو

یاد یو ورځینی سیمینار د( افغانستان په اساسي قانون کې د اتباعو اساسي حقونو څېړنې) تر سرلیک لاندې د اساسي قانون پرتطبیق د څارنې خپلواک کمېسیون له خوا په کابل کې د دغې ادارې ملکي او نظامي. . .

BACK TO NEWS