د میدان وردکو ولایت په زندان کې د نظامي پرسونل لپاره د سواد زده کړې (۹) میاشتنی کورس پیل شو
د یاد ولایت د زندان آمر محترم مولوي محمد هاشم "حقاني" د زده کړو په ارزښت خبرې وکړې او د کورس ګډونوالو څخه یې وغوښتل چې د دغه فرصت څخه ګټه پورته او د یو لوستي وګړي په توګه خپلې ټولنې ته د خدمت جوګه وګرځي.
د نوموړي زندان د مسوولینو په وینا، د زندان هغه پرسونل چې تر دې وړاندې یې د ځینو ستونزو له امله زده کړو ته لاسرسی نه درلود او یا ترې نیمګړې ياتې شوې وې، اوس به د دې کورس پر مټ خپلو زده کړو ته دوام ورکړي او خپل هېواد او ملت ته به د ښه خدمت جوګه شي.
دغه کورس چې یاد ولایت د معارف ریاست له لورې او د زندان په همکارۍ په لاره اچول شوی، د نوموړي زندان (۳۰) تنو نظامي پرسونل به خپلو زده کړو ته دوام ورکړي او بشپړېدو سره به فارغانو ته د دریم او شپږم ټولګي سندونه ورکړل شي.
ربیع الاول ۲۸/ ۱۴۴۷
د مقام د دفتر ریاست
د اطلاعاتو او عامه اړیکو امریت
