د زندانونو چارو د سمون ادارې یوه پلاوي د غزني ولایت د زندان څخه لیدنې ترڅنګ د دې ولایت له والي سره هم ولیدل ـ
د دې ادارې د کشف او اوپراتېفي رئیس محترم مولوي عبدالشکور "طیب" او داخلي تفتیش رئیس محترم مولوي فضل احمد "احمدي" په مشرۍ پلاوي چې د کشف ریاست معاون محترم مولوي نیک محمد "منیب" او یو شمیر مسئولین هم شتون درلود، د دې ولایت د زندان څخه لیدنې پرمهال یې د زندان رئیس محترم محمد نور "بلال شاهین "سره خبرې وکړې او هغوی هم ورته له خپله اړخه د زندانیانو لپاره د برابرو شویو امکاناتو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لاښه والي لپاره لازمې لارښوونې وکړې.
همداشان، پلاوي د یاد زندان له زندانیانو سره هم له نږدې ولیدل، د هغوی روا غوښتنې یې واورېدې او د رسېدنې په موخه یې د زندان مسوولین متوجه کړل.
داراز، پلاوي د یاد ولایت د زندان له روغتیايي چارو، پلورنځي، امنیتي پوستو، ټاورونو او قراولونو وضعیت وارزوه او د شته ستونزو د حل لپاره یې اړوند مسوولینو ته لازمې لارښوونې وکړې.
په پای کې، پلاوي د غزني والي سره چې د دې زندان رئیس محترم د محمد نور بلال شاهین هم شتون درلود ولیدل او په اړوندو مسایلو ورسره خبرې وکړې.
نوموړي پلاوي د غزني والي محترم مولوي عبدالصمد "جاوید " سره ولیدل او په اړوندو مسایلو ورسره خبرې اترې وکړې.
په دې لیدنه کې د غزني محترم والي د زندانیانو لپاره د ښو خدماتو رامنځ ته کولو په موخه د مننې ترڅنګ د زندانونو چارو د سمون له ادارې سره په دوامداره توګه د مرستو او همکاریو د دوام ډاډ ورکړ.
رجب المرجب ۲۷/ ۱۴۴۶
د مقام د دفتر ریاست
اطلاعاتو او عامه اړیکو امریت
