د زندانونو چارو د سمون ادارې عمومي رئیس د کابل ولایت د څرخي پله زندان له عدلي او قضایي اورګانونو سره د اړیکو امریت له چارو څخه ارزونه وکړه
محترم الحاج مولوي محمد یوسف "مستري" په داسې حال کې چې د ادارې د څار او ارزونې رئیس محترم مولوي شکور "طیب" او یو شمېر نورو مسوولینو یې ملتیا کوله تېره ورځ د کابل ولایت د څرخي پله مرکزي زندان ته ورغی او هلته یې د عدلي او قضایي اورګانونو سره د اړیکو امریت د اړوندو اسنادو له خنډ او ځنډ څخه د مخنیوي او په دې برخه کې د لانورو لازمو اسانتیاوو برابرولو په موخه د یاد امریت له مربوطه برخو څخه لیدنه وکړه.
داراز، د زندانونو چارو د سمون ادارې عمومي رئیس محترم الحاج مولوي محمد یوسف مستري د دغې ارزونې په ترڅ کې د اړوندو برخو مسوولینو ته زیاته کړه، « دا زموږ او ستاسو هم اسلامي وجیبه او هم کاري مسئولیت دی، چې خپلو چارو ته بې له کوم زنډ پر خپل وخت رسېدنه وکړو ترڅو چارې ژر او په اصولي توګه ترسره شي».
په ورته وخت کې، د زندانونو چارو د سمون ادارې عمومي رئیس د دغه امریت مسوولینو ته سپارښتنه وکړه څو د اداري مراحلو په لا چټکوالي کې خپله پاملرنه لانوره هم زیاته کړي څو په خبره یې د زندانیانو د جرمې دوسیو په برخه کې ستونزې حل او اسانتیاوې برابرې شي.
ربیع الثاني ۱۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
