د زندانونو چارو د سمون ادارې سرپرست او نظامي مرستیال د دې ادارې د مخابرې عمومي مدیر سره د مرکز او لایتونو زندانونو ترمنځ د اړيکو تأمینولو، همغږۍ او پرمختګ په موخه ناسته وکړله
محترم لوی پاسوال الحاج محمد کاظم "طارق" نن(شنبې) په خپل کاري دفتر کې د یادې ادارې د مخابرې عمومي مدیر محترم سمونوال قاري رحیم الله "ځدران" او د دې مدیریت یو شمېر نظامي مسوولینو سره د دغې ناستې پرمهال نوموړو سره د نظامي برخې پرسونل ظرفیت لوړولو، د کارکوونکو انسجام او مدیریت، د چارو لا همغږۍ او اړوندو نورو مهمو مسایلو په اړه خبرې اترې وکړې.
په ورته وخت کې، محترم سمونوال قاري رحیم الله "ځدران" د یوه پرېزنټېشن په ترڅ کې د دې مدیریت د اهمیت، څرنګوالي، کړنو، دندو او موخو په اړه معلومات وړاندې کړل، چې د زندانونو چارو د سمون ادارې سرپرست او نظامي مرستیال یې له لیدو او اورېدو وروسته د رضایت په څرګندولو ټولو نظامي مسوولینو او پرسونل ته د اسلامي شریعت او د تقنیني اسنادو سره سم او پر وخت د ورسپارل شویو چارو د ترسره کولو سپارښتنه وکړه.
جمادي الثاني۱۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
